Humsafar

“Kitni Khoobsurat Ho Jaati Hai Jindagi Jab Dost, Pyaar, Aur Hamsafar Ek Hi Shaqash Ho”

Bachpan se vo mere sath hai. Meri har aadat janti hai. Ham ek doosre ki pasand na-pasand ko achhe se samjhte hai. Hm dono ko pta hai ki ek doosre ko khush kse rakhna hai.

Bachpan se hm ek sath hai. Haan vo koi aur nahi mere papa ke friend ki beti hai. Bachpan me ek school fir same college. Saare karam kand ek sath kie hai hamne.

Bilkul ladko wali harqate hai uski. Uski aadton aur baato se khi se bhi ladki nahi hai vo. Mera ek pal katna muskil hota hai uske bina. Itni achhi dost mili hai mujhe.

Aaj hmara college ka final day hai. Vo higher studies ke liye bahar ja rahi hai aur mera to kuch pta hi nahi hai kya krna hai aage. Par jab aaj sab apne result aur aage ki padhai ke liye excited hai mere dimag me ek hi baat hai ki vo chali gyi to mai rahunga kse.

Aur is pagal ladki ke excitement ki koi limit hi nhi hai. Iski packing aur saman ki list hi nhi khatam ho rahi hai. Lagta hai poore gaanv ko apne bag me dal kar le jyegi.

Par koi na vo khush hai na aur abhi to sath hai mere.Poora din to madam ne thaka diya market me ghuma ghuma ke. Sab kuch lena apni marji ka hai phir meri choice pta nahi q puchti rahti hai.

Finally sham me madam ko mujhse baat karni hai.

She :- Oye pagle kya kar rha hai?

Me :- Poore din mehnat majdoori kar ke gareeb aadmi kya krega?

She :- Achha bas bas ho gya tera. Ab sun..

Me :- Soo ja meri maa tu thaki ni aaj

She :- Thakne ka to pata nahi. Par mujhe jaldi se apne new college jana hai.(aur phir madam ne bache hue saman ki list suna daali)

Me :- Okk madam aapka driver aapki seva me haazir ho jyega. Ab mai soo sakta hoon. Vrna agr driving krte hue soo gya to dono upar milenge seedhe.

She :- Achha thik hai nautanki band kar soo ja. Par subah time par aa jana.

Me :- Okk bhootni. Good night

She :- Tu hoga bhoot. Chal thik hai good night.

Usse to bol diya good night par yha neend thi kise. Bas presan kar rhi thi ek baat agar vo chali gyi. Vo mujhe vha jakr bhool gayi.

Dher saare sawal the dil me par jawab kahi nahi mil rahe the.Khair ham pahuch gye agli subah apni jaan se pyari dost ki sewa me.

Poora din beet gya aaj uske sath. Vo kuch boli nahi par thodi udasi thi uske face pe.Mai sham me uske ghar gya uske sath aur ham dono chat pe baithe the.

Me :- Kya baat hai? Tu khus nahi hai..

She :- Khus to hoon Par pta nahi yha se jane ka man nahi kar rha. Aur tu bhi devdaas wale looks deta hai poora din.

Me :- Pahle to tu itna sochna band kar.Aur mai kyu devdaas banne lga? Vo to bas papa aur mai decide nahi kar paa rahe aage kya karna hai. Padhai ke liye kha jana hai.

She :- To mere sath chal na pagal. Dono sath rahenge. Bawal machaynge.

Me :- Dekho kya hota hai? Abhi pta nahi. Khair kab ja rhi ho tum?

She:- Bass 3 din baad.

Me :- Chalo mai chlta hoon. Late ho rha hai.Uske jaane ke din jse jse paas aa rha tha meri presani vse vse badhti jaa rahi thi. Nahi janta tha kya hoga. Samajh hi nahi paa rha tha ye ho kya rha hai.

Vo kal jaane wali hai aur mujhe samajh nahi aa rha tha kse kahu usse ki that I love her. Kaise btau use kitna chahta hoon use. Kse samjhau use kya mayne hai uske mere sath hone ke.

Lag rha tha sar fat jyega aur dil ki dhadkane bas ruk jyengi.Aakhir bahut himmat kar ke maine use sab kuch likh kar massage karne ki sochi. Pta nahi kya kya likh rha tha mai.

Raat ke 2 bje mere pasene chut rahe the aur vo massage type krte hue mere hath kaanp rahe the.

Par maine apni saari feellings likh kar bas vo massage send kar diya. Poori raat subah hone ka intezar dil ki dhadkane kabhi jor kabhi dheeme.

Dar bhi lag rha tha kahi kho na doon use.Subh ke 7 baje vo seedha mere ghar pe pahuch gayi aur mere room me aakar door lock kar liya.Mere kaan ke neeche ek jor ka lgaya àur pucha itne din se kyu ni bola.

Tumhe pta hai mai kab se is din ka wait kar rahi thi. Aur bta bhi rahe ho to ase fattu ki tarah massage kar ke.Itna bolte bolte madam ne mere poore room ko kabad bana diya.

Aur uske chillane se mere poore ghar ko pta chal gya tha baat kya hai.

Actually hmare parents ne pahle se rishta karne ki soch rakhi thi aur ab isse poora ghar khush tha.

Aaj 6 saal baad mai vapis apne ghar jaa rha hoon aur vo bhi aa rahi hai.

6 saal long distance relationship ke sath hmne apna carrier banaya hai aur ab vo time bhi aa gya hai jab ham shadi ke liye taiyar hai.

To Kaisi Lagi Ye Love Story Comment Krke Jaroor Bataana

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

As you found this post useful...

Follow us on social media!