My First Hug

Mere aur Kunika ke relation ko 2 saal ho gye the aur mai usse aaj tak bas 2 baar mila tha. Aur meri last mulaqat usse tab hui thi jab hmara realtion bas just start hua tha.

Jiske baad mai Noida aur vo Lucknow chali gayi.

Us din uske college me freshers party thi aur mai usse miĺne gya tha kyunki uski friends ki demand aur uska man tha mujhse milne ka.

Lucknow me mai apne ek friend ke yha ruka tha. Kunika makeup ke liye hostel se nikli thi aur vo seedha apni friend ke sath mujhse milne aa gyi thi.

Kunika ke samne aate hi meri bolti band ho jaati thi aur mujhe nahi pta hota tha ki kse react karoon.Isi beech mera friend ne chay le aaya. Kunika pahle chay peene se mna kar rahi thi par mere kahne par usne chup chap chay pee lii.

Jiske baad use uljhan hone lagi. Vo isi wajah se chay ko na bol rahi thi par mere kahne par pee li thi.Jiske baad mere friend ne turant cold drink aur dwai lakr di lagbhag aadha ghnte baad Kunika ko relife mila.

Jiske baad mai jaakr usķi godi me sar rakh ke let gaya tha kyunki itne travel aur lgatar baithe baithe mai thak gya tha.Thodi der baad use vapis jana tha.

Maine uski friend ko apne dost ke sath aage jane diya aur bas 5 min aur extra mil jaaye iske liye Kunika ko rok liya.

Ham dono us room me akele khade the jane ke liye taiyar the par dono bas ek doosre ko dekh rahe the koi jana hi nahi chahta tha.

Kunika mere bilkul paas aakar khadi thi aur boli chalna nahi hai aur mai bas use baanho me bhar lena chahta tha.

Pta ni kaise par use itna samajh aa gya tha. Usne mere kandhe par hath rakha aur mai bas khud ko rok nahi paya aur bahut jor se use pakad kar bas khud me samet liya.

Kunika bhi bas mujhse lipat gayi thi. Ham kuch der ke liye ek doosre me bilkul kho gye the.

Mai us waqt bas itna hi chahta tha bas ye waqt ruk jaaye ham ek doosre se bas ase hi lipte rahe.

Uske baad mera friend vaps aaya aur door knock karte hue bola chalo bhai late ho rha hai. Jiske baad maine uske sar pe ek kiss kiya aur Kunika ko chor ke aaya.

Us din ke baad bas vo hichak khatam ho gayi thi jo uske samne hone par lagti thi. Ab lagta tha haan vo meri ho chuki hai.

How useful was this post?

Click on a star to rate it!

Average rating 1 / 5. Vote count: 1

No votes so far! Be the first to rate this post.

As you found this post useful...

Follow us on social media!