Hostel wali yaari

Kahte hai ek achha dost jindagi ko jannat bna deta hai aur mere paas to yaaro ki poori gang hai ghar se 800km door maine ek b.tec college me admission liya tha.

Ghar se itni door mai bilkul akela tha. Koi purana yaar aur koi rishtedaar bhi nahi.Majburan mujhe hostel me rahna tha. Kyunki is shahar ko mai bilkul nahi jaanta tha.

Maine admission se pahle hi ragging aur hostel ki bekar facilities ke baare me suna tha. Aur suruat me kafi problems face bhi karni padi.

Seniors ragging karte the, Mess ka khana bilkul bakeas lagta tha, Pani bui dhang ka nahi tha aur government college ki building ki kya tareef karoon hoti to majboot hai par purane khandahr wala feel aata tha.

Suruat me to vha adjust hone me kaafi dikkat hui thi ek achha dost tak nahi tha koi mera.Par kuch time me samajh aane lga ki seniors hmara support karte hai jaroorat padne par help karte hai aur mess ka khana uska to kuch ho hi nahi sakta tha.

Dheere dheere ham logo ki aaps me banne lagi thi aur ab ham log achhe dost bhi ban gye the. Ab hostel me maja aane lga tha.1st samester to achhe se nikal gya tha par 2nd samester me kuch subjet ase the jinse bahut dar lagta tha.

Applied maths se mujhe sabse jayada dar lag rha tha. Mere pass ho paane ki ummide kam aur tension jayada thi.

Exam se 3din pahle mai hostel ki chat par smoke kar rha tha aur tension mujhpe hawi thi. Samajh nahi aa rha tha karoon to kya.

Mujhe sahi se nahi yaad par mai chat pe side me khada tha aur mera sar ghooma. Jiske baad jab meri aankh khuli to mai bed pe pair me dard aur mere saare yaar mere paas the.

Agar ye choot ki baat ghar pe pta chal jaati to bawal ho jata. To maine bas apne dosto se ek baar itna kha uske baad to hostel ke warden tak ko meri chot ke baare me pta nahi chala.

Jab meri choot ka reason unhe pta chala to saale sab maths me phd ho gye the. Sab ke sab bas mujhe hi smjha rahe the.

Sayad hi koi asa topic ya question hota jò mujhe na pta hota.Meri dwai ka kharcha tak mere yaaro ne mil kar sambhal liya.

Sale sab ke sab har choti se choti baat ka khayal rakh rhe the.Us time par mujhe exam center tak le jaane ke liye seniors ne car tak arrange kar di thi.

Kuch is tarah ka support mila tha unka.Aaj mai un sabse bahut door baitha hoon par saare mere jigar ke tukde aaj bhi yaad aate hain.Vo purani si building, Tooti hi diwar kood ke night out ke liye jana, Vo ek ke jhagde me sab ka ek sath toot padna, Vo mess ka khana Aur mere yaaro ki yaari sab kamal hai.

“Vo nikamme jo sharab peekar sath rahne ki kasme khate the…Naukri kya lagi doston se milne tak ke liye tarasna padta hai.”

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

As you found this post useful...

Follow us on social media!